ಮೇಲ್ಛಾವಣಿ ಕುಸಿದು ಬಿದ್ದು ಮಕ್ಕಳು ಸಾವು: ಕುಟುಂಬಸ್ಥರಿಗೆ ಶ್ರೀಗಳ ಸಾಂತ್ವನ
ಕಂದಗಲ್ಲ : ಗ್ರಾಮದಲ್ಲಿ ಮನೆಯ ಮೇಲ್ಚಾವಣಿ ಕುಸಿದು ಇಬ್ಬರು ಮಕ್ಕಳು ಮೃತರಾದ ಕುಟುಂಬಸ್ಥರ ಮನೆಗೆ ಕಂದಗಲ್ಲ -ಕನಕಗಿರಿ- ಸುವರ್ಣಗಿರಿ ಮಠದ ಡಾ. ಚನ್ನಮಲ್ಲ ಮಹಾ ಸ್ವಾಮಿಗಳು ಶನಿವಾರದಂದು ಭೇಟಿ ನೀಡಿ ಕುಟುಂಬಸ್ಥರಿಗೆ ಸಾಂತ್ವನ ಹೇಳಿದರು.
ಮೃತರಾದ ಮಕ್ಕಳ ತಂದೆ ಈಶ್ವರಯ್ಯ ಆದಾಪೂರ ಮಠ ಮತ್ತು ಟುಂಬಸ್ಥರಿಗೆ ಧೈರ್ಯದಿಂದ ಇರಿ ದೇವರು ನಿಮ್ಮನ್ನು ಕೈಬಿಡುವುದಿಲ್ಲ. ಈ ಘಟನೆ ನಮಗೆ ಬಹಳ ನೋವು ತಂದಿದೆ ಎಂದು ವಿಷಾದ ವ್ಯಕ್ತಪಡಿಸಿದರು.
ಈ ಸಂದರ್ಭದಲ್ಲಿ ಗ್ರಾಮದ ಪಂಪಯ್ಯ ಗುರುವಿನ ಮಠ,ವೀರೇಶ್ ಹವಲ್ದಾರ್ ಮಠ, ಗುರು ಸಜ್ಜನ್, ಮಲ್ಲು ಕತ್ತಿ, ವೀರೇಶ್ ಪವಾಡ ಶೆಟ್ಟರ ಮತ್ತು ಶ್ರೀಕಾಂತ್ ಸಜ್ಜನ್ ಸೇರಿದಂತೆ ಗ್ರಾಮಸ್ಥರು ಇದ್ದರು.
