Games ಕ್ರೀಡಾಕೂಟದಲ್ಲಿ ರಾಜ್ಯಮಟ್ಟಕ್ಕೆ ಆಯ್ಕೆಯಾದ ಸುಪ್ರೀತಾಗೆ ಸತ್ಕಾರ

ಇಳಕಲ್ಲ : ತಾಲೂಕಿನ ಬಲಕುಂದಿ ಎಂ ಪಿ ಎಸ್ ತಾಂಡಾ ಶಾಲೆಯ ವಿದ್ಯಾರ್ಥಿನಿ ಸುಪ್ರೀತಾ ದೊಡ್ಡಪ್ಪ ರಾಠೋಡ ಬಾಗಲಕೋಟೆಯಲ್ಲಿ ರವಿವಾರದಂದು ನಡೆದ ಜಿಲ್ಲಾ ಮಟ್ಟದ ಕ್ರೀಡಾಕೂಟದಲ್ಲಿ ಉದ್ದ ಜಿಗಿತ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ ಪಡೆದು ರಾಜ್ಯಮಟ್ಟಕ್ಕೆ ಆಯ್ಕೆಯಾಗಿದ್ದಾಳೆ.

ಆಯ್ಕೆಯಾದ ವಿದ್ಯಾರ್ಥಿನಿಯನ್ನು ಸೋಮವಾರದಂದು ಶಾಲೆಯಲ್ಲಿ ಶಾಲಾ ಸಿಬ್ಬಂದಿ ಬಳಗ ವಿದ್ಯಾರ್ಥಿನಿಗೆ ಹಾಗೂ ಮಾರ್ಗದರ್ಶನ ಮಾಡಿದ ದೈಹಿಕ ಶಿಕ್ಷಕಿ ಆರ್ ಎಸ್ ಕೊಡಗಲಿ ಯವರಿಗೆ ಸನ್ಮಾನಿಸಿ ಗೌರವಿಸಿದರು.

ಸಂದರ್ಭದಲ್ಲಿ ಮಾತನಾಡಿದ ಮುಖ್ಯಗುರು ಪಿ ಎಸ್ ಪಮ್ಮಾರ ಸುಪ್ರೀತಾ ಅತ್ಯಂತ ಪ್ರತಿಭಾನ್ವಿತ ವಿದ್ಯಾರ್ಥಿನಿಯಾಗಿದ್ದು ಮುಂದಿನ ಹಂತದಲ್ಲಿಯೂ ಸಹ ವಿಜಯಿಯಾಗಿ ಶಾಲೆಯ,ತಾಲೂಕಿನ ಹಾಗೂ ಜಿಲ್ಲೆಯ ಕೀರ್ತಿ ತರಲೆಂದು ಹಾರೈಸಿದರು.

ಈ ಸಂದರ್ಭದಲ್ಲಿ ಶಾಲೆಯ ಎಸ್ ಡಿ ಎಂ ಸಿ ಅಧ್ಯಕ್ಷ ದೊಡ್ಡಪ್ಪ ಚವ್ಹಾಣ,ಉಪಾಧ್ಯಕ್ಷ ವಿಠಲ ಚವ್ಹಾಣ ಶಿಕ್ಷಕರಾದ ಎಂ ಎಸ್ ಬೀಳಗಿ, ಜಿ ಕೆ ಮಠ,ಶ್ರೀ ಎ ಡಿ ಬಾಗವಾನ, ಎಂ ಎನ್ ಅರಳಿಕಟ್ಟಿ, ಎಸ್ ಎಲ್ ಜೋಗಿನ, ಎಂ ಪಿ ಚೇಗೂರ ಪಿ ಎಸ್ ಹೊಸೂರು, ಎಸ್ ಎಂ ಮಲಗಿಹಾಳ, ಪ್ರಸನ್ನ ಮೇಗಡಿ, ಸಾಯಿರಾ ಹೆರಕಲ್ ಇದ್ದರು.

ವರದಿ : ಭೀಮಣ್ಣ ಗಾಣಿಗೇರ (ಇಳಕಲ್ಲ)