ಕಳೆದ ಒಂದು ವಾರದಿಂದ ಇಳಕಲ್ಲ ನಗರದ ಪ್ರಮುಖ ಬೀದಿಗಳಲ್ಲಿ ಸರ್ವ ವಿಜಯ ಸೇವಾ ಸಂಸ್ಥೆಯ ವತಿಯಿಂದ ಮಜ್ಜಿಗೆಯನ್ನು ವಿತರಿಸಲಾಗುತ್ತಿದೆ.
೪೦ ಡಿಗ್ರಿ ಸೆಲ್ಸಿಯಸ್ ಬಿಸಿಲಿನ ಬೇಗೆಯಲ್ಲಿ ತತ್ತಿರಿಸುತ್ತಿರುವ ಜನರ ಹೊಟ್ಟೆ ತಂಪಾಗಿಸಲು ಈ ಮಜ್ಜಿಗೆ ವಿತರಣೆ ಸಹಕಾರಿಯಾಗಿದ್ದು ಸಂಸ್ಥೆಯ ಗೌರವಾಧ್ಯಕ್ಷ ರಾಜು ಬೋರಾ ಅಧ್ಯಕ್ಷ ಸಪ್ಲೀನ್ ಬೋರಾ ಕಾರ್ಯದರ್ಶಿ ಹನಮಂತ ಚುಂಚಾ ನೇತೃತ್ವದಲ್ಲಿ ಮಜ್ಜಿಗೆಯನ್ನು ಸಂಚಾರಿ ವಾಹನದ ಮೂಲಕ ತಲುಪಿಸುವ ವ್ಯವಸ್ಥೆಯನ್ನು ಅಚ್ಚುಕಟ್ಟಾಗಿ ಮಾಡಲಾಗುತ್ತಿದೆ.
ಮಜ್ಜಿಗೆ ಸೇವಿಸಿದ ಜನರು ಇಂತಹ ಬಿಸಿಲಿನಲ್ಲಿ ತಂಪಾದ ಮಜ್ಜಿಗೆ ನೀಡಿದವರ ಮನೆ ಮನ ತಂಪಾಗಿರಲಿ ಎಂದು ಹೃದಯಾರೆ ಹಾರೈಸುತ್ತಿದ್ದಾರೆ.ಪ್ರತಿದಿನ ಮುಂಜಾನೆ ೧೧ ಗಂಟೆಯಿ0ದ ಮಧ್ಯಾಹ್ನ ೪ ಗಂಟೆಯವರೆಗೆ ಮಜ್ಜಿಗೆ ವಿತರಣೆ ಅಲ್ಲಲ್ಲಿ ಅವಿರತವಾಗಿ ನಡದೇ ಇರುತ್ತದೆ.
