ಹಾಸನ : ಮೀನು ಹಿಡಿಯಲು ಹೋಗಿ ಬಾಲಕರು ನೀರುಪಾಲು.!
ಹಾಸನ : ಮೀನು ಹಿಡಿಯಲು ಹೋದ ನಾಲ್ವರು ಬಾಲಕರು ಕೆರೆಯಲ್ಲಿ ಮುಳುಗಿ ಮೃತಪಟ್ಟ ಘಟನೆ ಆಲೂರು ತಾಲ್ಲೂಕಿನ ಕದಾಳು ಸಮೀಪದ ಮುತ್ತಿಗೆಯಲ್ಲಿ ಗುರುವಾರದಂದು ನಡೆದಿದೆ. ೧೧ ವರ್ಷದ ಸಾತ್ವಿಕ್, ೧೨ವರ್ಷದ ವಿಶ್ವ ಮತ್ತು ಪೃಥ್ವಿ, ೧೩ ವರ್ಷದ ಜೀವನ್, ಸಾವನ್ನಪ್ಪಿದ್ದ ಬಾಲಕರು.
ನಾಲ್ವರು ಬಾಲಕರು ಮೀನು ಹಿಡಿಯಲು ಹೋಗಿದ್ದರು. ಈ ವೇಳೆ ಒಬ್ಬರನ್ನೊಬ್ಬರು ರಕ್ಷಿಸುವ ಭರದಲ್ಲಿ ಭೀಕರ ದುರಂತ ಸಂಭವಿಸಿದೆ. ಇನ್ನು ಬಾಲಕರ ಶವಗಳಿಗಾಗಿ ಅಗ್ನಿಶಾಮಕ ದಳದ ಸಿಬ್ಬಂದಿ ಕಾರ್ಯಾಚರಣೆಯನ್ನು ನಡೆಸಿದ್ದಾರೆ.
