Inauguration ಅ.6ರಂದು ಹರಿಹರದಲ್ಲಿ ವೀರಶೈವ-ಲಿಂಗಾಯತ ಸಮಾಜದ ರಾಜ್ಯ ಸಮಿತಿಯ ಪದಾಧಿಕಾರಿಗಳ ಪದಗ್ರಹಣ.

ಇಳಕಲ್: ವೀರಶೈವ-ಲಿಂಗಾಯತ ಸಮಾಜದ ರಾಜ್ಯ ಸಮಿತಿಯ ಪದಾಧಿಕಾರಿಗಳ ಪದಗ್ರಹಣ ಸಮಾರಂಭ ಬರುವ ಅ.೬ರಂದು ಹರಿಹರದಲ್ಲಿ ಆಯೋಜಿಸುತ್ತಿರುವ ಹಿನ್ನೆಲೆಯಲ್ಲಿ ರಾಜ್ಯಾದ್ಯಂತ ಇರುವ ಸಮಾಜ ಬಾಂಧವರು ಅದ್ದೂರಿ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿ ಎನ್ನುವ ಮಹದಾಸೆಯೊಂದಿಗೆ ನೂತನ ರಾಜ್ಯಾಧ್ಯಕ್ಷರಾಗಿ ಆಯ್ಕೆಯಾಗಿರುವ ಸೋಮನಗೌಡ ಪಾಟೀಲ್ ಅವರು ಇಳಕಲ್ ನಗರಕ್ಕೆ ಆಗಮಿಸಿದ್ದರು.

ವೀರಶೈವ ಲಿಂಗಾಯತ ಪಂಚಮಸಾಲಿ ಸಮಾಜದ ಇಳಕಲ್ ತಾಲೂಕು ಅಧ್ಯಕ್ಷ ಜಿ. ಎಸ್. ಗೌಡರ್ ಅವರ ನಿವಾಸದಲ್ಲಿ ಸೋಮನ ಗೌಡ ಪಾಟೀಲ್ ಅವರನ್ನು ಸಮಾಜದ ಹಿರಿಯರು ಮುಖಂಡರು ಗೌರವಿಸಿ ಸತ್ಕರಿಸಿದ್ರು. ಈ ವೇಳೆ ಮಾತನಾಡಿದ ಅವರು, ಅ. ೬ ರಂದು ನಡೆಯಲಿರುವ ಕಾರ್ಯಕ್ರಮದಲ್ಲಿ ಇಳಕಲ್ ತಾಲೂಕಿನಿಂದಲೂ ಹೆಚ್ಚಿನ ಸಂಖ್ಯೆಯಲ್ಲಿ ಸಮಾಜ ಬಾಂಧವರು ಆಗಮಿಸಬೇಕು ಎಂದು ರಾಜ್ಯಾಧ್ಯಕ್ಷ ಸೋಮನಗೌಡ ಪಾಟೀಲ ಆಹ್ವಾನಿಸಿದರು. ಅಲ್ಲದೆ ಮುಂಬರುವ ದಿನಗಳಲ್ಲಿಸಮಾಜದಿಂದ ದೂರ ಉಳಿದವರನ್ನು ಒಗ್ಗೂಡಿಸುವ ಸಂಘಟನೆಯನ್ನು ಬಲಿಷ್ಟಗೊಳಿಸುವದಾಗಿ ತಿಳಿಸಿದರು.

ಈ ಸಂಧರ್ಭದಲ್ಲಿ ತಾಲೂಕು ಪಂಚಮಸಾಲಿ ಸಮಾಜದ ಅಧ್ಯಕ್ಷ ಜಿ.ಎಸ್.ಗೌಡರ ಪಂಚಮಸಾಲಿ ರಾಜ್ಯ ಯುವ ಸಂಘಟನೆ ಮಾಜಿ ಕಾರ್ಯದರ್ಶಿ ಶಿವಾನಂದ ಅಪ್ಪಾಜಿ, ಸಮಾಜದ ಹಿರಿಯರಾದ ರುದ್ರಪ್ಪ ಸಮತರ್, ಎಸ್. ಎಸ್. ಗೌಡರ, ಸಿ.ಎಸ್. ಪಲ್ಲೆದ್, ಮುದಕನಗೌಡ ಗೌಡರ, ಅಮರಪ್ಪ ಗೊಂದಿ, ಸಂಗಣ್ಣ ಬನ್ನಿಗೋಳ್, ಮುತ್ತು ಗೌಡರ, ಶರಣು ಬಣಜಿಗೌಡರ್, ಎಂ.ಜಿ. ಗೌಡರ ಸೇರಿದಂತೆ ಇತರರು ಉಪಸ್ಥಿತರಿದ್ದರು.