police operation ಪೊಲೀಸರ ಭರ್ಜರಿ ಕಾರ್ಯಾಚರಣೆ : 5.65000 ಮೌಲ್ಯದ ೧೫ ಬೈಕ್ ವಶ

ಬಾಗಲಕೋಟೆ: ಬೈಕ್ ಕಳ್ಳನನ್ನು ಬಂಧಿಸಿರುವ ಪೊಲೀಸರು ಅಂದಾಜು ೫೬೫೦೦೦ ರೂ. ಮೌಲ್ಯದ ೧೫ ಬೈಕ್ ಗಳನ್ನು ವಶಪಡಿಸಿಕೊಂಡಿದ್ದಾರೆ.ಬAಧಿತ ಆರೋಪಿಯನ್ನು ಮುಧೋಳ ನಗರದ ನಿಂಗರಾಜ ಎಂದು ಗುರುತಿಸಲಾಗಿದೆ.

ಬೈಕ್ ಕಳ್ಳತನದ ಬಗ್ಗೆ ಪ್ರಕಾಶ ಯರಗಟ್ಟಿ ಎಂಬುವರು ಕೆಲ ತಿಂಗಳುಗಳ ಹಿಂದೆ ಮುಧೋಳ ಠಾಣೆಯಲ್ಲಿ ದೂರು ದಾಖಲಿಸಿದ್ದರು. ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಇದೀಗ ಕಳ್ಳನನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

ಸಿಪಿಐ ಮಹಾದೇವ ಶಿರಹಟ್ಟಿ ನೇತೃತ್ವದಲ್ಲಿ ನಡೆದ ತನಿಖಾ ತಂಡದಲ್ಲಿ ಪಿಎಸ್‌ಐ ಅಜಿತಕುಮಾರ ಹೊಸಮನಿ, ಕೆ.ಬಿ. ಮಾಂಗ ಸಿಬ್ಬಂದಿ ಆರ್.ಬಿಮ ಕಟಗೇರಿ, ಮಾರುತಿ ಅತ್ರಾವತ, ಬೀರಪ್ಪ ಕುರಿ, ಹನಮಂತ ಮಾದರ, ಟಿ.ಎಸ್.ಹಿರಲಕ್ಕಿ , ಮಾರುತಿ ದಳವಾಯಿ ಭಾಗಿಯಾಗಿದ್ದರು.ಪೋಲಿಸರ ಕಾರ್ಯಾಚರಣೆಯನ್ನು ಡಿವೈಎಸ್ಪಿ ಶಾಂತವೀರ ಶ್ಲಾಘಿಸಿದ್ದಾರೆ.