Narendra Modi  ನರೇಂದ್ರ ಮೋದಿ ಕೈ ಬಲ ಪಡಿಸುವದೇ ನಮ್ಮ ಗುರಿ

ಮೇ ೭ ರಂದು ನಡೆಯಲಿರುವ ಲೋಕಸಭಾ ಚುನಾವಣೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರ ಕೈ ಬಲ ಪಡಿಸುವದೇ ನಮ್ಮ ಗುರಿಯಾಗಿದೆ ಎಂದು ಮೋದಿ ಅಭಿಮಾನಿ ಬಳಗದ ಪರಶುರಾಮ ಬಿಸಲದಿನ್ನಿ ಹೇಳಿದರು.

ಬಾಗಲಕೋಟ ಜಿಲ್ಲೆಯ ಇಳಕಲ್ ನಗರದ ಹೊರವಲಯದಲ್ಲಿ ಇರುವ ಕಿರಿಯಾಡ್ ಸಭಾ ಭವನದಲ್ಲಿ ಹುನಗುಂದ ವಿಧಾನಸಭಾ ಮತಕ್ಷೇತ್ರದ ಮೋದಿ ಅಭಿಮಾನಿ ಬಳಗ ನಡೆಸಿದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು ನಮ್ಮ ಜೊತೆಗೆ ಸಾಕಷ್ಟು ಕಾಂಗ್ರೆಸ್ ಕಾರ್ಯಕರ್ತರು ಸಹ ಕೈ ಜೋಡಿಸಿದ್ದಾರೆ .ನಮ್ಮ ಮತ ಮೋದಿ ನೇತೃತ್ವದ ಬಿಜೆಪಿಯ ಗದ್ದಿಗೌಡರ ಅವರಿಗೆ ನೀಡುವ ಸಂಪೂರ್ಣ ಭರವಸೆ ನೀಡಿದ್ದಾರೆ ಎಂದು ಅವರು ಹೇಳಿದರು.

ಬಳಗದ ಪ್ರಮುಖ ವ್ಯಕ್ತಿ ಆನಂದ ಪಾಟೀಲ ಮಾತನಾಡಿ ಲೋಕಸಭಾ ಚುನಾವಣೆ ಘೋಷಣೆಯಾದ ನಂತರ ಹಲವು ಯುವಕರ ತಂಡ ಹುನಗುಂದ ವಿಧಾನಸಭಾ ಮತಕ್ಷೇತ್ರದಲ್ಲಿ ಸಕ್ರಿಯವಾಗಿ ಪಾಲ್ಗೊಂಡು ವಿಶ್ವದಲ್ಲೇ ಅತ್ಯಂತ ದೊಡ್ಡ ಹೆಸರು ಮಾಡಿರುವ ನರೇಂದ್ರ ಮೋದಿಯವರು ಮತ್ತೊಮ್ಮೆ ಪ್ರಧಾನಿಯಾಗಲು ಅತ್ಯವಶ್ಯಕ ವಾಗಿದ್ದು ಅದಕ್ಕಾಗಿ ಕಾರ್ಯತಂತ್ರ ನಿರೂಪಿಸಿ ಹೋರಾಟ ಮಾಡಲಾಗುತ್ತಿದೆ ಕನಿಷ್ಠ ಪಕ್ಷ ಹತ್ತು ಸಾವಿರ ಲೀಡ್ ನ್ನು ಈ ಕ್ಷೇತ್ರದಿಂದ ನೀಡಲಾಗುವದು ಎಂದು ಹೇಳಿದರು.

ಇಳಕಲ್ ಅರ್ಬನ್ ಬ್ಯಾಂಕ್ ನಿರ್ದೇಶಕ ಬಸವರಾಜ ತಾಳಿಕೋಟಿ ಮಾತನಾಡಿ ವಿಧಾನಸಭಾ ಚುನಾವಣೆಯಲ್ಲಿ ಹರಿದು ಹೋದ ಕಾರ್ಯಕರ್ತರು ಈಗ ನರೇಂದ್ರ ಮೋದಿಯವರನ್ನು ಮತ್ತೊಮ್ಮೆ ಪ್ರಧಾನಿ ಮಾಡಲು ಈಗ ಒಂದಾಗಿದ್ದೇವೆ ಈ ದೇಶದ ರಕ್ಷಣೆ, ಅಭಿವೃದ್ಧಿ ಹಾಗೂ ಪ್ರಗತಿಪರ ರಾಷ್ಟ್ರವಾಗಲು ನರೇಂದ್ರ ಮೋದಿ ಅತ್ಯವಶ್ಯ ವಾಗಿದ್ದಾರೆ ಎಂದು ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಗುರುಲಿಂಗ ಅಂಗಡಿ ಸಿದ್ದು ಅಂಗಡಿ, ,ವಿರುಪಾಕ್ಷಯ್ಯ ಸರಗಣಾಚಾರಿ ಬಸವರಾಜ ಕಂದಕೂರ ,ಶಿವು ಚಿಲವೇರಿ ರಾಘು ಮ್ಯಾಕಲ್ ವಿರೇಶ ಅರಳಿ ಉಪಸ್ಥಿತರಿದ್ದರು.

                                                                      ವಿಡಿಯೋ ವೀಕ್ಷಿಸಲು ಇಲ್ಲಿ ಕ್ಲಿಕ್ ಮಾಡಿ