ಬೀದಿ ನಾಯಿಗಳ ದಾಳಿಗೆ ಕರು ಬಲಿ ಆತಂಕಗೊಂಡ ಪಾಲಕರು
ಬಾಗಲಕೋಟ ಜಿಲ್ಲೆಯ ಇಳಕಲ್‌ದ ಪೋಲಿಸ್ ಗ್ರೌಂಡ್ ಹತ್ತಿರದಲ್ಲಿ ಬೀದಿ ನಾಯಿಗಳ ದಾಳಿಯಿಂದಾಗಿ ಕರುವೊಂದು ಬಲಿಯಾದ ಘಟನೆ ಶುಕ್ರವಾರದಂದು ನಡೆದಿದೆ.
ಹೌದು ನಗರದಲ್ಲಿ ಬೀದಿ ನಾಯಿಗಳ ಹಾವಳಿ ಹೆಚ್ಚಾಗಿದ್ದು ಕರುಗಳ ಮೇಲೆ ದಾಳಿಗಳನ್ನು ಯಚೇತ್ಥವಾಗಿ ನಡೆಸುತ್ತಾ ಬರುತ್ತವೆ.
ಸಣ್ಣ ಕರುಗಳ ಮೇಲೆ ದಾಳಿ ನಡೆಸಿ ಅವುಗಳನ್ನು ತಿನ್ನುತ್ತಿರುವ ನಾಯಿಗಳು ಸಣ್ಣ ಮಕ್ಕಳು ಮನೆಯ ಮುಂದೆ ಆಟವನ್ನು ಆಡುತ್ತಿದ್ದಾಗ ಯಾವಾಗ ದಾಳಿ ಮಾಡುತ್ತೇವೆ ಎಂಬ ಭಯದಲ್ಲಿ ಪಾಲಕರು ಆತಂಕ ಪಡುತ್ತಿದ್ದಾರೆ.
ಒಂದೇ ತಿಂಗಳ ಅವಧಿಯಲ್ಲಿ ಬೀದಿ ನಾಯಿಗಳು ಆರು ಕರುಗಳ ಮೇಲೆ ದಾಳಿ ನಡೆಸಿ ಅವುಗಳನ್ನು ತಿಂದು ಹಾಕಿದ್ದಾವೆ.
ನಗರಸಭೆ ಅಧಿಕಾರಿಗಳು ಬೇಗನೆ ಎಚ್ಚೆತ್ತುಕೊಂಡು ಬೀದಿ ನಾಯಿಗಳನ್ನು ಸೆರೆ ಹಿಡಿಯಬೇಕು ಎಂದು ನಗರದ ಸಾರ್ವಜನಿಕರು ಮನವಿ ಮಾಡುತ್ತಿದ್ದಾರೆ.
ಸಾವನ್ನಪ್ಪಿದ ಕರುವಿನ ಸುತ್ತ ಅದರ ತಾಯಿ ಸುತ್ತು ಹಾಕುತ್ತಾ ಕರುಳು ಕಿತ್ತುಬರುವಂತೆ ರೋಧನ ಮಾಡುತ್ತಿರುವದನ್ನು ಜನರು ಅಸಹಾಯಕರಾಗಿ ನೋಡುತ್ತಾ ನಿಂತರು.
ವರದಿ : ಭೀಮಣ್ಣ ಗಾಣಿಗೇರ
