Priyanka Gandhi ವಯನಾಡ್ ಕ್ಷೇತ್ರದಿಂದ ಸ್ಪರ್ಧಿಸಲಿದ್ದಾರೆ ಪ್ರಿಯಾಂಕಾ ಗಾಂಧಿ ವಾದ್ರಾ
ರಾಹುಲ್ ಗಾಂಧಿ ರಾಯ್ ಬರೇಲಿಯಿಂದ ತಮ್ಮ ಸ್ಥಾನವನ್ನು ಉಳಿಸಿಕೊಳ್ಳಲು ನಿರ್ಧರಿಸಿದ್ದಾರೆ, ಅವರ ಸಹೋದರಿ ಪ್ರಿಯಾಂಕಾ ಗಾಂಧಿ ವಾದ್ರಾ ಖಾಲಿ ಇರುವ ವಯನಾಡ್ ಕ್ಷೇತ್ರದಿಂದ ಸ್ಪರ್ಧಿಸಲಿದ್ದಾರೆ. ಈ ಬಗ್ಗೆ ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಸ್ಪಷ್ಟನೆ ನೀಡಿದ್ದಾರೆ.
ಪ್ರಿಯಾಂಕಾ ಗಾಂಧಿ ವಾದ್ರಾ ಅವರ ವಯನಾಡಿಗೆ ಸ್ಪರ್ಧೆ ಸಂಬಂಧಿಸಿದಂತೆ, ರಾಹುಲ್ ಗಾಂಧಿ ಅವರು ವಯನಾಡಿಗೆ “ನೀವು ಈಗ ಇಬ್ಬರು ಸಂಸದರನ್ನು ಹೊಂದಲಿದ್ದೀರಿ, ಮತ್ತು ನಾನು ವಯನಾಡಿಗೆ ಭೇಟಿ ನೀಡುತ್ತಲೇ ಇರುತ್ತೇನೆ. ಪ್ರಿಯಾಂಕವಾದ್ರಾ ವಯನಾಡಿನ ಜನರಿಗೆ ಅತ್ಯುತ್ತಮ ಪ್ರತಿನಿಧಿಯಾಗಲಿದ್ದಾರೆ. ವಯನಾಡಿನ ಜನರ ಬೆಂಬಲವು ನನಗೆ ಅತ್ಯಂತ ಸವಾಲಿನ ಸಮಯದಲ್ಲಿ ಹೋರಾಡುವ ಶಕ್ತಿಯನ್ನು ನೀಡಿದೆ “ಎಂದು ಅವರು ಹೇಳಿದರು.
