ರಾಮನವಮಿ : ಸಾಯಿ ದೇವಸ್ಥಾನದ ೧೬ ನೇ ವಾರ್ಷಿಕೋತ್ಸವ: ಕುಂಭ ಮೆರವಣಿಗೆ
ಬಾಗಲಕೋಟ ಜಿಲ್ಲೆಯ ಇಳಕಲ್ ದ ದುರ್ಗಾದೇವಿ ಕಾಲೋನಿಯ ಸಾಯಿಬಾಬಾ ದೇವಸ್ಥಾನದ ೧೬ ನೇ ವಾರ್ಷಿಕೋತ್ಸವ ಅಂಗವಾಗಿ ಕುಂಭ ಮೆರವಣಿಗೆಯನ್ನು ನಗರದ ಪ್ರಮುಖ ಬೀದಿಗಳಲ್ಲಿ ಬುಧವಾರದಂದು ನಡೆಸಲಾಯಿತು.
ಸಾಯಿಬಾಬಾ ಮಂದಿರದಿ0ದ ಆರಂಭವಾದ ಮೆರವಣಿಗೆ ಕಂಠಿ ಸರ್ಕಲ್ ಮೂಲಕ ನಗರದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿತು.
ಕುಂಭದ ಮುಂದೆ ಪಲ್ಲಕ್ಕಿಯಲ್ಲಿ ಸಾಯಿಬಾಬಾ ಮೂರ್ತಿಯ ಶೋಭಾಯಾತ್ರೆ ಮಾಡಲಾಗಿತ್ತು.
ದೇವಸ್ಥಾನ ಸಮಿತಿಯ ಸಂಚಾಲಕಿ ಸುಮಿತ್ರಾ ರಜಪೂತ ಮತ್ತು ಪದಾಧಿಕಾರಿಗಳು ದುರ್ಗಾದೇವಿ ಕಾಲೋನಿಯ ಪ್ರಮುಖರು ಮೆರವಣಿಗೆ ನೇತೃತ್ವವನ್ನು ವಹಿಸಿದ್ದರು. ಮಧ್ಯಾಹ್ನ ಪ್ರಸಾದ ವ್ಯವಸ್ಥೆಯನ್ನು ದೇವಸ್ಥಾನದ ಆವರಣದಲ್ಲಿ ಮಾಡಲಾಗಿತ್ತು.
