voter list ಮತಪಟ್ಟಿಯಲ್ಲಿ ಮತದಾರರ ಹೆಸರನ್ನು ಡಿಲೀಟ್ ಮಾಡಿದ್ದು ಯಾಕೆ : ಮಾಜಿ ಶಾಸಕ ದೊಡ್ಡನಗೌಡ ಪಾಟೀಲ ಪ್ರಶ್ನೆ

ಇಳಕಲ್ಲದ ಬೂತ್ ನಂಬರ್ 162 ರಲ್ಲಿ ಮತದಾರರ ಪಟ್ಟಿಯಲ್ಲಿ ವಿನಾಕಾರಣ ೧೫- ೨೫ ಹಲವಾರು ಹೆಸರುಗಳನ್ನು ಕೈ ಬಿಟ್ಟ ಬಗ್ಗೆ ಮಾಜಿ ಶಾಸಕ ದೊಡ್ಡನಗೌಡ ಪಾಟೀಲ ಶುಕ್ರವಾರದಂದು ತಹಸೀಲ್ದಾರ ಕಚೇರಿಗೆ ತೆರಳಿ ಮನವಿ ಅರ್ಪಿಸಿ ಚರ್ಚೆ ನಡೆಸಿದರು.

ಮತಪಟ್ಟಿಯಲ್ಲಿ ಸತ್ತವರ ಹೆಸರುಗಳನ್ನು ಹಾಗೆ ಬಿಟ್ಟು ಇದ್ದವರ ಹೆಸರುಗಳನ್ನು ಯಾವ ಕಾರಣಕ್ಕಾಗಿ ಕೈ ಬಿಡಲಾಗಿದೆ ಎಂಬುವದನ್ನು ಮೇಲಾಧಿಕಾರಿಗಳ ಜೊತೆಗೆ ವಿಚಾರಿಸಿ ಎಲ್ಲಾ ಮತದಾರರಿಗೆ ನ್ಯಾಯ ಒದಗಿಸಬೇಕು ಮತದಾರರ ಹೆಸರು ಯಾಕೆ ಡಿ ಲಿಟ್ ಆಗಿವೆ ಎಂಬುದರ ಬಗ್ಗೆ ಪತ್ತೆಯಾಗಬೇಕು ಮತದಾರರಿಗೆ ಮತದಾನ ಮಾಡಲು ಅವಕಾಶ ಮಾಡಿಕೊಡಬೇಕು ಎಂದು ಮಾಜಿ ಶಾಸಕರು ಹೇಳಿದರು.

ಮನವಿಪತ್ರಕ್ಕೆ ನಗರಸಭೆಯ ಸದಸ್ಯ ಸೂಗುರೇಶ ನಾಗಲೋಟಿ ಸಹಿ ಮಾಡಿದ್ದಾರೆ ಈ ಸಮಯದಲ್ಲಿ ವೆಂಕಟೇಶ ಪೋತಾ, ಅರವಿಂದ ಮಂಗಳೂರ, ಮುದಕಪ್ಪ ಪೂಜಾರಿ ಗಣೇಶ ಯರಡೋಣಿ ಅಶೋಕ ಶ್ಯಾವಿ ಮಹಾಂತೇಶ ಮಠ,ಮತ್ತಿತರರು ಉಪಸ್ಥಿತರಿದ್ದರು.

ವರದಿ : ಭೀಮಣ್ಣ ಗಾಣಿಗೇರ ಇಳಕಲ್ಲ