ಮಾಜಿ ಸಚಿವ ದಿ ಎಸ್ ಆರ್ ಕಾಶಪ್ಪನವರ ೨೨ ನೇ ಪುಣ್ಯಸ್ಮರಣೆ

ಇಳಕಲ್ : ಇಲ್ಲಿನ ಎಸ್ ಆರ್ ಕೆ ಪ್ರತಿಷ್ಠಾನದ ವತಿಯಿಂದ ಜುಲೈ ೨ ಮಂಗಳವಾರದAದು ಮುಂಜಾನೆ ೧೦ ಗಂಟೆಗೆ ಅನುಭವ ಮಂಟಪದಲ್ಲಿ ಮಾಜಿ ಸಚಿವ ದಿ ಎಸ್ ಆರ್ ಕಾಶಪ್ಪನವರ ಅವರ ೨೨ ನೇ ಪುಣ್ಯಸ್ಮರಣೆ ಕಾರ್ಯಕ್ರಮ ನಡೆಯಲಿದೆ ಎಂದು ಶಾಸಕ ವಿಜಯಾನಂದ ಕಾಶಪ್ಪನವರ ತಿಳಿಸಿದ್ದಾರೆ.

ಸಾನಿಧ್ಯವನ್ನು ಕೂಡಲಸಂಗಮ ಜಗದ್ಗುರು ಬಸವಜಯ ಮೃತ್ಯುಂಜಯ ಸ್ವಾಮಿಗಳು, ಗುರುಮಹಾಂತಶ್ರೀಗಳು,ಡಾ ಬಸವಲಿಂಗ ಸ್ವಾಮಿಗಳು ಮುರ್ತುಜಾ ಖಾದ್ರಿ ದರ್ಗಾ ಫೈಸಲ್ ಪಾಷಾ ವಹಿಸಲಿದ್ದಾರೆ. ಅಧ್ಯಕ್ಷತೆಯನ್ನು ಮಾಜಿ ಶಾಸಕಿ ಗೌರಮ್ಮ ಕಾಶಪ್ಪನವರ ವಹಿಸಲಿದ್ದಾರೆ.

ಹುನಗುಂದ ವಿಧಾನಸಭಾ ಮತಕ್ಷೇತ್ರದ ಸುಮಾರು ೩೫ ಅತಿಥಿ ಗಣ್ಯರು ಭಾಗವಹಿಸಲಿರುವ ಈ ಸಮಾರಂಭದಲ್ಲಿ ಎಸ್ ಎಸ್ ಎಲ್ ಸಿ , ಪಿಯುಸಿ ಪರೀಕ್ಷೆಗಳಲ್ಲಿ ಉತ್ತಮ ಸಾಧನೆ ಮಾಡಿದ ಕ್ಷೇತ್ರದ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಸತ್ಕಾರವನ್ನು ಮಾಡಲಾಗುವದು.

ಕಾರ್ಯಕ್ರಮದಲ್ಲಿ ತಮ್ಮ ಜೊತೆಗೆ ಪತ್ನಿ ವೀಣಾ ಕಾಶಪ್ಪನವರ ಸಹೋದರ ದೇವಾನಂದ ಕಾಶಪ್ಪನವರ ಪಾಲ್ಗೊಳ್ಳಲಿದ್ದಾರೆ ಎಂದು ಅವರು ಸುದ್ದಿಗೋಷ್ಠಿಯಲ್ಲಿ ವಿವರಿಸಿದರು.

ಸುದ್ದಿಗೋಷ್ಠಿಯಲ್ಲಿ ವಿಜಯಮಹಾಂತೇಶ ಗದ್ದನಕೇರಿ, ಅಮರೇಶ ನಾಗೂರ ಇದ್ದರು.

(ಜುಲೈ ೦೩ ರಂದು ಹುನಗುಂದ ತಾಲೂಕಿನ ಹಾವರಗಿ ಗ್ರಾಮದಲ್ಲಿ ಕಾರ್ಯಕ್ರಮ ನಡೆಯಲಿದೆ.)

ವರದಿ : ಭೀಮಣ್ಣ ಗಾಣಿಗೇರ